Michael Billig

Michael Billig
Persona informo
Naskiĝo	30-an de novembro 1946 (1946-11-30) (77-jaraĝa) en Londono
Lingvoj	angla
Alma mater	Universitato de Bristol - doktoro de filozofio (1965–1972)
Okupo
Okupo	psikologo
v • d • r

Michael BILLIG (1947) estas brita profesoro kaj akademiulo. Li estas emerita profesoro pri sociaj sciencoj en la Universitato de Loughborough, kiu laboris ĉefe pri nuntempa socia psikologio kvankam multo de lia verkaro transiras fakajn limojn ene de la sociaj sciencoj.

Lia frua eksperimenta laboro kondukis lin al konsidero de temoj kiel povo, politikaj ekstremismo kaj ideologioj. Li verkis serion de gravaj libroj esplorante tiujn temojn. Ekzemple lia Social Psychology and Intergroup Relations (1976) proponis kritikon de ortodoksaj alproksimigoj al la studo de antaŭjuĝoj en psikologio kaj kritikis alproksimigojn kiuj koncentriĝis al kuntekstoj de individuoj kaj neglektitaj grupoj. Billig interesiĝis en la studo de la ekstremdekstro kaj konstatis, ke eksperimenta alproksimiĝo povus esti netaŭga. Fascists (1978) studis la klasikan faŝisman kaj antisemitan ideologion de la brita "Nacia Fronto" en epoko en kiu ĝi estis serĉante politikan legitimecon kaj balotan sukceson. Billig ankaŭ verkis pamfleton, Psychology, Racism and Fascism (1979), publikigita de la kontraŭ-faŝisma gazeto Searchlight. En tiu pamfleto li eksponis ligilojn inter ekstremdekstraj grupoj kaj kelkaj psikologoj kiuj estis klopodante pruvi, ke estis biologiaj diferencoj inter la intelektaj kapabloj de diferencaj tiel nomitaj 'rasoj'. La pamfleto estis ampleksigita en tut-longa libro, L'Internationale Raciste (1981), kiu same rigardis al la eŭropaj ligiloj inter psikologio kaj ekstremdekstro . L'Internationale Raciste estis publikigita en franca kaj germana, sed ne en angla.

Michael Billig parolas pri banala naciismo, t.e. la ordinaraj, malpli videblaj formoj de naciismo, kiuj muldas la mensojn de la nacianaro en la ĉiutageco.